Sekundarschule Elgg

Schneesportlager Davos 2010 - Lager-Rap

Lagerrap Gruppe Grün

All händ sich gfreut uf Davos
Drum simmer cho imänä Car
Mitärä risä grossä Schar
Jetzt simmer parat für die riesegrossi Fahrt
Ab uf d Pistä und los gahts

K.O. im Huus acho
Hämmer eusi Zimmer in Empfang gno
Kleider hämmer gar nöd wellä ufhänkä
Sondern lieber grad im Chastä versänkä

Churz drufabä hämmer eus zum erstämal chöne d Büch vollschlah
Das Ässä isch ja wunderbar

Nach em Programm ab id Nester
Denn es git kei Fäschter
Am 10ni würdi ränä
Denn suscht chunt dä Dani vom andere Zimmer änä

S Gomfibrötli und en Saft
Gäbet ois diä nötig Kraft
Uf dä Pistä machemer eus fit
Unds Wätter isch ja au dä Hit

Ischs dä Dani, Dunja oder d Gabi - weiss mer nöd
Doch chunnt dä Vombi dänn ischs klar
Chunt doch Übel als erscht dra

Am zischtig na schnell d Gruppenä änderä
Und denn schnell uf s Büsli rennä

Au dä OL hämmer gnosse
Isch er doch so schnell verflosse
Vil Pöschtä hämmer gmacht
Und däzue na so vil glacht

Entspannig hets gheisä vor em Badä
Doch s Wasser het nid welle mit mache
S Wasser isch warm xi aber nid heiss
Entüüscht simmer xi, so en seich

Hüt hämmers nur en halbe Tag uusghalte
Denn d Chälti het üs d Zäh gpalte
Jetzt simmer gspanne uf diä letschti Nacht
Mal luege wär alles dure macht

Morn isch s rennä mit vil Schuss
Das git doch en guäte Schluss
Schnell s Gepäck in Car
Und hei gats mit dä ganze Schaar

Dankä wämmer allnä Leiter
und ganz bsunders fest am Vinz
er hät das super gmacht
drum häts au allnä passt

Lagerrap Gruppe Rot

Mier sind iizoge i das Huus
Und packed alli eusi Sache uus

Am erschte Tag simmer grad ufd Pischte
Dänn simmer hei cho und händ eus ignischtet

Jede da ine schissts derb aa
Am Morge immer so früe uftsschtaa

Ski und Snowboard fahre isch mega cool
Die wos nid mached sind eifach... piiip...

I de Nacht simmer ali ufgwacht
Und händ ä rise Party gmacht

S Lager isch scho rise fett
Doch am 11i müemer scho is Bett

D Leiter sind mal ernst mal locker
Aber zum Teil flügeds au vom Hocker

Zum Glück landet de Vombi nöd im Chübel
Das wär suscht mega - üübel